نشر النائب بحزب قلب تونس اسامة الخليفي تدوينة على صفحته ‘فايسبوك’ كتب فيها :
شكونهم المخبرين الاصدقاء متع الرئيس الي يبعثو في التقارير الغالطة قول القمة متع الفرنكوفونية تم الغائها وموت على دينك كون صادق راه في بالنا والناس الكل في بالها وقالوهالك لانهم لايمكن أن يتورطو مع الانقلاب مهما زين لهم
نتمنى نعرفو هالشخص الي أقنع 50 دولة باش ما يمشيوش لتونس اذا كان عندنا تونسي بهالقوة الرهيبة يعني أقوى من رئيس دولتنا وبهالعلاقات لكل خلي نعرفوه ونستغلو قوته الرهيبة لصالح تونس ولصالح دبلوماسيتها طبعا هو تقرير فايسبوكي ذكر فيه اسمي وكانت الزميلة عبير موسي قد علقت عليه وغلطوها كيف ما غلطو سيادتو
قلتها البارح مشروع كلو مبني على المخاتلة والمراوغة والتقسيم والكذب والافتراء
والبونتوات هو لا يسمع الا نفسه ومن يصفق له .سينتقل الى استعمال عنف الدولة للاستحواذ أكثر على السلطة بكل الطرق وسيتوجه نحو نسف كل المعارضين وسحلهم سياسيا سواءا بتلفيق التهم او بالتجييش ضدهم
او بتخوينهم إنه الانقلاب
اه من تو نقوللكم باش يرجعلكم بعد ايامات باش يقول لخرين اقنعو مؤسسات التصنيف باش يصنفونا c ومن تو زادة باش يقول لخرين الخونة اقنعو المؤسسات المانحة باش ما يقرضوش تونس ومن تو زادة باش يجيكم بعد اشهر باش يقوللكم ما نجمت نعمل شي لخرين الخونة “هم”ما خلونيش نخدم
كالعادة سيتنصل من المسؤولية ويقول لخرين السبب هم هاذوكم طلى عليهم هو ديما خاطيه..
التعليقات