أكد رئيس المرصد التونسي لحقوق الإنسان مصطفى عبد الكبير، اليوم الأربعاء 13 سبتمبر 2023، وفاة 3 تونسيين في فيضانات مدينة درنة الليبية.
وأضاف عبد الكبير في تصريح لاي أف أم، أن المتوفين هم رجل أصيل ولاية مدنين كان يشتغل في محل مرطبات، وزوج وزوجته أصيلا مدينة قليبية من ولاية نابل، مشيرا إلى أنه لا يزال هناك تونسيين اثنين آخرين ضمن المفقودين.
وقال عبد الكبير:” كارثة كبيرة … درنة فيها أكثر من 200 ألف ساكن … السنة الفارطة كنت اشتغلت فيها 10 أيام، وسبق أن تنقلت إليها في 2015، أعرفها جيدا ولي عديد العلاقات المهمة بعديد الأطراف، داخل درنة، وللأسف الشديد، انفجار السدود كان السبب الرئيسي في هذه الكارثة، وحسب حديثي مع الإخوة الدرناويين في درنة الأيامات هاذي، وحتى لساعة لتالي نستفسر على التوانسة، وعلمت بوفاة 3 تونسيين، وأيضا الوضع بصفة عامة، السدود هاذي عندها عشرات السنين ما تمتش صيانتها، واليوم شعوب العالم تدفع ثمن الدول اللي ما تعتنيش ببنيتهم التحتية، وباحتياجات المواطن، هذا مش كان في ليبيا، وربما الإعصار هذا كان جاء في أي بلد آخر تونس لا قدر الله وإلا أي بلد، فما بالك سدود درنة معروفة، وأنو هناك عديد من المرات مراسلات من درنة للسلطات الليبية حتى في عهد النظام السابق لعلمية الصيانة، للأسف الشديد انفجار السدود، في واد كيما واد درنة اللي يشق المدينة، وهذا العهدة على صديقي الممثل على وزارة التربية في درنة، يأكدلي أنو 15 متر من الجهة اليمني والجهة اليسرى من وسط المدينة جرفته المياه…عامل أصيل ولاية مدنين يشتغل في محل مرطبات، وعنا زوز رجل وزوجته هوما أصيلي ولاية نابل قليبية تحديدا، ربي إن شاء الله يرحمهم، وفما زوز أخرين مفقودين، ما نعرفوش عليهم حتى شي وإن شاء الله يكونوا لاباس”…
التعليقات