في تدوينة نشرها على صفحته الرسمية أكد يوسف الشواشي ابن المعتقل السياسي غازي الشواشي أنه تم حرمانهم من المنحة المعاشية التى كان قد أذن بها قاضي التحقيق و ذلك على لفية احالة المبلغ المتبقي في حساب والدهم الى الخزينة العامة و في ما يلي نص التدوينة :
بعد إيقاف الوالد و المعتقلين الي معاه في قضيّة التآمر، قاضي التحقيق قام بتجميد حساباتهم البنكيّة الكل في مارس 2023.
تقدمنا بمطلب عند قاضي التحقيق لتمكيننا من منحة معاشيّة شهريّة يقع سحبها من الحسابات المجمدة للإنفاق على أختي الي مزالت طالبة في الجامعة و أذن القاضي بذلك.
اليوم، يتم إعلامنا الي المبلغ المتبقي (قدره 25 مليون) وقع إحالته على الخزينة العامّة و ماعادش عنّا الحق فيه: معناها إذن قاضي التحقيق مضمضوه و اشربوا ماه.
السلطة هذي، بعد الي صار الكل، دورتها غورة و ولّات تسرق في فلوس العباد و طامعة في 25 مليون الي ما تجيش في قيمة شهريّة قيس سعيد.
ياخي هالعباد ما يحشموش على رواحهم؟
التعليقات