انتقد القيادي بالتيار الديمقراطي نبيل حجي مضمون مسرحية الفنانة وجيهة الجندوبي بخصوص أداء نواب البرلمان.
وقال الحجي في تدوينة له على صفحته الرسمية ” لوجيهة كي تكتب عرض مسرحي عندك أمانة هي الرقي بالوعي و الذوق و الإحساس موش فقط الضحك و عدد التذاكر المباعة الأمانة تقتضي انك تثبت في اللي تقولو و اللي باش ياخذو أغلب المتلقين و يستبطنو كي تقول أنو النواب كانو ياخذو في الكراهب و البنزين و هاذي مغالطة ثبت المعلومة هاذي صحيحة وإلا لا النواب ياخذو في سيارات و بنزين وإلا اضرب الضربة فيهم تجيب متفرجين و تصفيق “.
و أَضاف الحجي “كي تقول نواب زورو شهائد علمية باش يخدمو أقاربهم عندك اسم نائب واحد دلس شهادة خدّم بيها قريبو وإلا اضرب الضربة فيهم تجيب متفرجين و تصفيق أخيرا لوجيهة و لكل من سيعلق البلاد هاذي ما تحبش الفساد فنانيها موظفيها بوليسيتها طبتها قباضاتها بلدياتها محاكمها نظاف البلاد هاذي قررت تخلي النظاف لكل على جنب و تنتخب في مجلس النواب كان الفاسدين يعني الشعب النظيف قرر ينتخب اللي موش نظاف فقط باش يسبهم من بعد اخبرا ماو تحل المجلس ماو سيدكم رتحكم منا سيبونا عاد عفو علينا عفو علينا دخلنا للتاريخ احنا و اعملو “مسرح” بنقد اللي يحكم تو و ينقد سياساتو الحالية و القادمة كانكم تلوجو على مصلحة تونس موش على العقود و على دعم وزارة الثقافة و على انتاجات القنوات العمومية و الخاصة”.
التعليقات